ДОЦНОСРЕДНОВЕКОВНИ РЕГИОНАЛНИ СРЕДИШТА ПОМЕЃУ СРЕДНИТЕ ТЕЧЕНИЈА НА РЕКИТЕ ВАРДАР И СТРУМА УТВРДУВАЊЕТО КАКО УСЛОВ ЗА ТРАНЗИЦИЈА ОД РУРАЛНИ ВО УРБАНИ СРЕДИНИ
ДОИ:
https://doi.org/10.58301/BM20491-2066cКлучни зборови:
Strumica, Valandovo, Konche, Dojran, fortification, urbanizationАпстракт
Струмица во средниот век израснува во нajзначajна градска населба помеѓу средните теченија на реките Вардар и Струма. Плодната почва, хидро-потенцијалот, поволните климатски услови, се голем предуслов за густата населеност на регионот во среден век. Потврда за тоа се големиот број на рурални населби кои егзистирале на овој простор. Тоа укажува на значењето на овој регион како главна комуникациона алка на централниот дел од Балканот, овозможено со близината до главните центри на моќ, но, секако и со постоењето на доволно ресурси како двигатели на целиот прогрес.
Поволните општествени и природни прилики ќе придонесат во доцниот среден век регионалните средишта да се трансформираат во урбани средини. Поголемите населби, како што биле: Радовиш, Валандово, Дојран (Полин) и Конче, дел од нив својот урбан лик ќе го добијат многу покасно, дури по отоманските освојувања на овие краишта. Постоењето на утврден акропол кај дел од овие регионални седишта, ќе биде една од главните причини за транзиција од рурална во урбана средина.
Такви утврдувања се „Исар - Кула“ над населбата Валандово и „Хисар“ над Радовиш. Во населбата Конче, пак, покрај самата црква Св. Стефан била изградена Пирг - кула. Средновековен Дојран - Полин сё уште не е точно убдициран, иако како можни локалитети се позициите на денешните населби Нов и Стар Дојран. Немаме цврста потврда за постоење на акропол во средниот век над овој град кој, најверојатно својот урбан лик го оформил во отоманскиот период, кога градовите добиваат еден отворен ориентален изглед, без утврдено предградие и излегување од употреба на поголем дел од акрополите.
Преземања
Објавено
Како да се цитира
Издание
Секција
Дозвола
Авторско право(c) 2020 ЈНУ Институт за старословенска култура - Прилеп

This work is licensed under a Creative Commons Attribution-NonCommercial-ShareAlike 4.0 International License.